POKEMON GO最佳地點 ＠曼谷

POKEMON GO的魅力真係没法擋，暑假期間泰國推出後，POKEMON風暴席捲曼谷，小弟住在朱拉隆功大學附近，校園內亦有多個補給站及GYM，不少同學們十分認真地抓小精靈，在中午放學時，打開POKEMON GO，實見到櫻花處處（大家也用了吸引精靈的道具，遊戲中會顯示為類似櫻花一樣，如圖。

遊戲點玩網上大把攻略，呢度主要講下曼谷主要的捕捉地，各位去開曼谷可以加多個捉POKEMON的行程呀！

1.SIAM站

SIAM站周邊毋庸置疑係最熱門的地方，包括SIAM DISCOVERY、SIAM SQUARE、SIAM PARAGON、CENTRAL WORLD、四面佛等等區域，總之一到站周圍行下，必有收獲。上面張圖就係在SIAM CAP出來的，大家一睇就明，係好似去左日本的落櫻大道一樣呢，呢度真係隨處可見捉精靈的人，大家也可以互相交流一下，基本不用點走，D小精靈係咁湧出來，同埋理論上可以無限補給，必屬曼谷POKEMON GO最佳聖地。

2.Chatuchak Weekend Market

呢度聚集了大批遊客同本地玩家，特別係週末過去，相當熱鬧，邊逛街邊捉精靈，一大樂事也。

3、大皇宮等著名景點

同上，人氣之地方就是POKEMON GO好地方。

4.朱拉隆功大學

呢度因為小弟住附近，每日都會經過，經觀察，中午12點放學後，落櫻點明顯增多，在FACUTY OF ART 附近，多次出現小火龍及杰尼龜，大學附近的國家體育館BTS站，晚上亦有不少人聚集齊齊捉精靈，同當地玩家傾過，呢度係比卡超出現的高頻地方，小弟也遇到過2隻，睇來消息也算可靠。

其實一般而言，大家來旅遊的話，熱門景點一般也有不錯的效果，但真心推薦SIAM，刷經驗真係一流，好過你四圍繞路都撞唔到隻精靈咯，送上幾張SIAM的盛況，目測三分之一人在POKEMON GO。。。。。